Wizara ya Ulinzi ya Urusi imetangaza kuanza kwa mazoezi ya kijeshi ya kile kinachoitwa Kikosi cha Makombora cha Kimkakati - kwa maneno mengine, askari wake wa makombora ya nyuklia.
Mazoezi hayo yanahusisha makombora ya balestiki ya Yars, ambayo ni kizazi kipya cha kombora kilichojaribiwa kwa mara ya kwanza mnamo 2007.
Jeshi la Urusi linasema kuwa mazoezi hayo yanayofanyika katika Mkoa wa Ivanovo karibu na Moscow yanahusisha wafanyakazi wa huduma 1,000 na zaidi ya magari 100.
Makombora hayatarushwa. Mazoezi hayo yanajumuisha doria, kuweka mifumo ya makombora na kuwalinda kutokana na mashambulizi.
Mazoezi hayo yalitangazwa saa kadhaa baada ya Marekani kusema kuwa itawapa Waukraine mifumo ya hali ya juu ya roketi, ingawa taarifa ya jeshi la Urusi kwa vyombo vya habari haikurejelea habari kutoka Washington.