Serikali ya Marekani imeweka ukomo kwenye mpango maalumu ulioziruhusu kampuni za Ulaya, Urusi na China kushiriki katika mradi wa nyuklia wa Iran.
Kampuni hizo sasa zimepewa muda wa siku 60 kuwa zimehitimisha shughuli zao nchini Iran. Hata hivyo, waziri wa mambo ya nje wa Marekani Mike Pompeo aliyeitangaza hatua hiyo ametaka muda kwa kampuni zinazoshirikiana na kinu cha nyuklia cha Bushehr kupewa muda wa hadi siku 90 kuwa zimeondoka huko.
Utawala wa Rais Donald Trump unafuata sera ya shinikizo kali dhidi ya Iran, kama mkakati wa kuwalazimisha viongozi wa Tehran kukubali mkataba mpya kuhusu mpango wake wa nyuklia ambao utakuwa na masharti magumu zaidi.
The post Marekani yazipa siku 60 kampuni zinazoshiriki mradi wa nyuklia Iran appeared first on Bongo5.com.
