Wadudu wa ajabu waliojitokeza Kabarnet Kenya wazua taharuki, Wafanyabiashara kukimbia maeneo yao – Video
Wafanyabiashara huko Kabarnet, Kaunti ya Baringo walilazimika kusimama baada ya kundi kubwa la wadudu waliovamia mji siku ya Jumatano asubuhi.
Wadudu hao wanadaiwa kufunika sehemu kubwa za barabara ikiwa ni pamoja na kituo cha mabasi na majengo ya biashara.
Wadudu hao walisababisha kutishia wakaazi ambapo inaelezwa walilazimika kukimbia na kufunga biashara.
Mtu mmoja ambaye alijitambulisha kama Dereva bwna Daniel Mutai, alisema kwamba walishindwa kwenda kazini kwani ofisi zao zilibaki kufungwa kufuatia uvamizi huo wa kimiujiza wa wadudu hao.
Aliwataka serikali ya kaunti ya Baringo kuingilia kati na kunyunyizia wadudu.
David Kiplagat, kiongozi wa jamii ya eneo hilo alionyesha hofu kwamba uwepo wa wadudu inaweza kuwa ishara ya pigo tangu hivi karibuni kaunti hiyo ilishuhudia uvamizi wa nzige.
Pia aliwataka wakazi kuwa waangalifu kwani wadudu hao ni hatari kwa ngozi.
“Mdudu huyo hawezi kuuma, lakini mwili wake ni hatari kwani una sumu huenea kwenye ngozi, na kusababisha kuwasha, unahisi kama moto na uvimbe,” afisa mkuu wa Kaunti ya Afya ya Umma Samweli King’ori alisema.
Mnamo Januari mwaka huu, gazeti la Standard liliripoti kwamba gereza la Nakuru GK la Wanaume lilikuwa limejaa wadudu wembamba kama nyuki.
Hali hiyo ilikuwepo na maafisa wa kaunti walinyunyiza eneo hilo dawa za kuulia wadudu.
Katika kipindi kama hicho huko Nairobi, kulikuwa na ripoti katika Kituo cha Afya cha Barabara ya Ngong na Kibera GSU kulijitokeza wadudu wembaba kama nyuki.
Wataalam walieleza kuwa wadudu wa namna hii mwembamba hupatikana katika maeneo yenye mvua na kawaida huonekana wakati wa mvua kumbwa ambazo hutengeneza mazingira ya kutosha kuzaliana.
